الدمع الثمين

يامن دمع عينك يثقل بالألماس
لاتذرف الدمعات يانور عيني
من يستحق دموع عينك من الناس
النس ما تستاهلك يا ضنيني
يا محرك في داخلي كل إحساس
حبك ترى هو الذي محتويني
اعلم ترى ذا الناس ياخل أجناس
أصابعي ماهي سوا في يديني
ما ني بشاعر بس هيضني إحساس
في داخلي دوم أتعود يجيني
يوم انتثر دمعك على خد حساس
حسيت ياعمري أبيك وتبيني
حرام تنزل دمعتك لأجل أنجاس
مايعرفون الحب ياأجمل سنيني
لو حاولوا فيني معى كل نسناس
ما فرقوا ياخل بينك وبيني
حبك جرى فيني معى كل الأنفاس
ويزداد شوقي لك ويعظم حنيني
واذكرك لامن هاض صدري بهوجاس
واذكر أناالميثاق بينك وبيني
يوم أقول أوعد ولا تقطع الساس
فقلت لي أوعدك بالله وديني
ما أنساك حتى يبتدي دق الأجراس
وألفظ أنا أنفاسي وأفطع أنيني
وبقولك ياخل كلمه ولا باس
لا تحسب إنا نفترق ياخديني
ياخل اترك كل عاذل وهلاس
واترك هروج أنجاس ماهي تبيني
الشوق لك فيني توقد واحتاس
نفسي أنا أقدر أجيك وتجيني
وأقول أحب وكل الأشواك تنداس
وتبوس خدي ثم تمسح جبيني
أقول لاتبكي ولاتوجع الراس
ولاتذرف الدمعات دمعك ثميني